為着紀念「中國銀行」建行一百年，中銀當局特意發行一百元面額的紀念鈔，在京港澳三地發行，澳門地區的發行量是110萬張。
可能係吸收了較早前發行「龍鈔」處理不善的教訓，政府和「中銀」今次學精了，懂得用網上登記的方法。很感嘆點解次次都要〝針拮到肉〞才知痛，
當局就是不懂得舉一反三，觸類旁通的道理， 難道就不記得過往炒作的事例？從回歸前炒郵票、炒輔幣、到後來炒豪宅都不足以警惕？。最後就爆出年初炒「龍鈔」的大混亂。 何以炒樓就冇咁墟冚？因為炒樓價碼高，入場人數就少。但是炒龍鈔就不同了，十元面額任誰都玩得起，再加上在大陸有價，所以在公開換領當天就人人蜂擁而至，銀行內秩序大亂，結果搞到一鑊粥，千夫所指，萬人唾罵。
今次採用上網認購，以身份證識別，澳門人每人限購兩張，實在是好方法。由於發行量少，價錢被抬高應無疑問，最重要就是全民参與，人人得利，相對炒樓只是少數人玩得起的玩意，今次就算係全民開心咯！
當然，我並不希望澳門人自己炒來炒去，塘水滚塘魚。這麼說來，從何處得利呢？ 當然係從國內同胞處得利啦！
老實說，炒作都是外地資本起主要作用，由佢哋興風作浪。寫到這裡我忽發奇想，既然他們咁喜歡澳門品牌，我哋就應該順應佢嘅興趣，適時推出一些創意產品，辰時卯時印一些什麼「十二金釵」、「四大金剛」、「春夏秋冬」之類的東西交換他們的人民幣。只要掌握好兩個關鍵原則就無往而不利，那就是“創意”與“限量”，有創意就有吸引力，限量就能保證價格不墜。
試想美國的經濟奇差但係美元債券就不斷印給中國人去買，姑勿論背後原因如何，債券受人追捧係事實。
總而言之，你喜歡咩！我印俾你，澳門人只要唔大貪就多少總有得益。我重申在這個遊戲裡面只要掌握好僱客的口味，推出適當的數量，再加上合理分配惠及全澳市民，如此一來，要澳門人大眾開心，又何難做到？但係澳門人要記住，炒俾同胞就好啦，千祈唔好自己來回炒作呀！以免貴賣之後再貴買，寧可炒俾佢哋之後再唸第二條橋就最好嘞。
沒有留言:
張貼留言