生活就是柴米油鹽，我每天都要同這些東西打交道，由於上班的地點接近菜市場，民生採購任務自不然就落在我身上。
三天兩頭就要往街市跑，所謂駕輕就熟，日子有功，在挑三揀四之下，我很有信心不會買到籮底貨。
購物環保袋係我外出必備之物，經常滿載而歸，無疑它是我的好幫手，在菜市場混久了，有些三姑六婆在貨銀兩訖之後，會好奇的問我：「點解日日都喺你買餸嘅？」 「你老婆唔駛做嘅咩？」。看來佢屈在心中好久了，終於問出口。於是我就扮可憐回覆個八婆：「係囉！乜都要我做晒，佢就淨係識享福」。看得出來，對方聽到後覺得想不明白。我不妨對大家說，在街市裡，我俾人問過好多次嘞。
另外一個我常去購物的地方就是營地街小巷，由於我每天都要穿過這條小巷， 到另一頭的地方去找吃的，小巷是我必經之路，巷子窄而長，兩旁有好幾家水果攤販，他們都是一些珠海的個體户，憑着特別許可，每天從對岸灣仔運來一些農產品到澳門擺賣，早上來下午走，所賣的東西價錢相對便宜，而且有些貨色係本澳其他地方冇得賣嘅，所以我也樂得幫襯。久而久之，他們就視我為老僱客，每天穿過小巷子都會被他們熱情呼喚，叫到三魂唔見七魄，佢地會喊：
「阿叔，今日又有好嘢呀！」「老細，蕉好靚呀！」「買蕃石榴啦！」，想靜靜地溜過去都好難，冇乜可能逃過佢哋嘅法眼，盛情難卻，每次我都會買一些，大家都開心嘛。
那天，我照例又被喝停，老板娘要我賞面光顧她的蕃石榴，我看了看那些貨色，心想都是一些普通料啫，於是就裝作好唔滿意咁話: 「你次次都話甜，根本就次次都呃(騙)我！。」怎不知她回答得真妙：「信我啦！都話甜咯！」「呢個世界上，只有男人呃女人，又點會有女人呃男人嘅呢！」，邊說邊將水果裝進購物袋內，一時間我無言以對。
· Flora
·
· 07/18/2011 12:28 am
·
哈哈，你似乎樂在其中呢! 其實也是一種生活情趣嘛。
回覆
沒有留言:
張貼留言