“拱北” 是否等同 “關閘”？

一道關卡將 “拱北” 和“關閘” 兩地分隔，雖然近在咫尺，但是仍然不能將兩者混同。最近我就親眼目睹一場以兩地為話題的爭抝。

以下就是我的所見所聞。前幾日，因事我要過關到拱北去一趟，我正在乘搭10號巴士往關閘的途中，車輛中途停在慕拉士大馬路發電廠車站上客。這時候上來一個男人，只見他一臉怒氣。

佢一上車就問司機：“呢架車去唔去拱北？”

司機就回一句：“唔去拱北。”

這個男人聽完後就唔高興，並且當場發飈，破口大罵。

說道：“我已經喺前一部10號車落咗車架啦！現在再上番車。”

他繼續説：“我問上一部車那個司機，去唔去拱北？ 佢話唔去，我就以為搭錯車，於是馬上落車 (原來係冇錯)。現在我再問你，你部車去唔去拱北？，你又話唔去。”


這個男人認為自已被司機誤導，好委屈，急於向全車乘客大吐苦水，埋怨司機玩嘢。跟住又說：“我係趕時間架嘛！”

這時候，司機亦不甘示弱，一邊開車一邊反駁：“你問我去唔去拱北？是實上呢部車係去唔到拱北呀嘛！”，“最多只係去到關閘。”

聽到司機這樣辯駁，這個男乘客就火上加油，“關閘不就是拱北嗎？人人都係咁諗架啦！”，他大聲向全車乘客講，睇得出佢係想得到其他人的認同。

而司機就死撑，關閘就係關閘，拱北就係拱北，並且重覆再說“呢部車係去唔到拱北嘅。”

這個男人即時變得滿腔怒火，越講就越扯火，滿口三字經。司機就與他互相問候，互有往來。車上乘客之中，坐着不少婦女，氣氛尷尬，大家都只好將視線移向車外看風景，裝著若無其事。

全部過程我看在眼內，現場實在太唔似樣了，早就唔抵得，於是我就對住那男乘客大聲講：“司機冇錯！”，“你收聲啦！”，車上才慢慢恢復平靜。

這一場鬧劇還未到落幕的時候，巴士駛到關閘總站，車輛停好，乘客紛紛下車。這時候就輪到司機反擊了，只見他從駕駛室走出來，追住早前發颷的男乘客，不斷以污言穢語回敬。

又好奇怪喎？雙方再無擦出火花，只見那個男乘客不發一言，默默無聲地離開。