力不到不為財
2012年6月20日上午12:05公開累積瀏覽 211
那是兩天前的事，當時我遭遇到一件妙事。下班後我
一心想去食麵，於是來到某
間麵店，坐定後我向伙記點了一碗牛筋麵，然後我就一
於坐低等食。片刻那位伙計
再走回來對我說：「牛筋差不多賣完，剩下不夠做一碗
牛筋麵。」
她的意思係問我要不要吃別的，例如雲吞麵之類。
我就話：「你將剩下的牛筋與雲吞雙併啦！」。
但係伙記就話：「唔得喎。」
我覺得好奇怪，何以咁都唔得呢？伙記又論論盡盡講唔
清楚，於是我就走去直接問
淥麵的女師傅。雖然佢正在忙，但係我都要問個明白，
我向佢重複我嘅要求，結果
佢都係話唔得，完全冇商量餘地。我覺得食 “雙併” 有
咁難咩？於是我就問佢點解
唔得，佢話：「牛筋麵同雲吞麵係唔同價錢，好難計
數，唔知點收錢。」
我心諗價錢怎麼會是問題呢？如果你覺得唔啱數，大可
以調整一吓份量，俾多俾少
隨你啫！ 我見佢覺得咁為難，就再冇同佢糾纏下去，免
得人家說我找麻煩，最後食
咗一碗雲吞麵就算了。
可想而知，好多老板做生意做極都冇錢賺，到最後都未
必揾到原因，睇少一眼都唔
得呀！所謂〝力不到不為財〞也。
再講多少少，多年前一個馬來西亞僑生對我講述一個關
於馬拉人合作捉魚的故事。
話說有兩個馬拉土人合作在河裏捉魚，事後就將魚穫對
分，你一條我一條就這樣分
着，分到最後剩一條，該如何分呢？給你又不是，給自
己也不是，最後你我都不
要，將魚扔丟，看來只有這樣安排才最令雙方滿意。
- Kwok man
- 2012年7月6日下午1:57
果然有見地!
